服務銷售熱線：

(852) 6289-1789
sales@ptx.hk

一般查詢：

(852) 3105-0156
info@ptx.hk

地址：
長沙灣荔枝角道777號田氏企業中心3樓306室
(長沙灣港鐵站 B出口)

辦公時間：
星期一至五：	早上9時至下午12時,
	下午1時30分至晚上6時;
星期六、日及公眾期假休息

最新消息

Ivan明報EDUPro
2016-07-29

我地Intimex既業務發展總監Ivan，其實有另一個身份----仁愛堂YES專業課程導師。佢早前接受明報EDUPro既採訪，成為左有意網上創業既人既一盞指路明燈。拿，開網店門檻好似好低，個個都爭住開，但實際上大部分最後都失敗收場。點解？原來係因為唔夠堅持同貨源出現問題等原因......咁究竟點樣先可以維持業務同突圍而出？Ivan就係訪問入面提醒讀者網上開店既四大注意事項！其實Ivan仲畀左好多珍貴見解，各位想知道既，就買返份明報，或者禁入去張相度睇下啦！

教學新趨勢座談會暨正能量之星頒獎典禮
2016-07-21

琴日我地行政總監Daisy出席iEducation係灣仔會展舉行既iPhonics教學新趨勢座談會暨正能量之星頒獎典禮，仲能夠擔任講者，實在非常開心非常榮幸！查實Daisy琴日稍早時間先由新加坡搭飛機返到香港，但都即刻趕過來出席，可見Daisy有幾重視呢個活動啦！泰美科技係呢度祝iEducation繼續業務蒸蒸日上！我地亦非常期待iEducation既下一個活動！

獲工業獻愛心頒發愛心關懷獎
2016-07-19

早前得知我地拎到香港工業總會的工業獻愛心及愛心關懷證書(中小企組)，實在開心！上年我地一如既往非常積極參與各個CSR(企業社會責任)項目，到最後能夠獲得呢個嘉許，真係一個好大的鼓勵同認可！希望呢個獎項同埋我地身體力行的表現，能夠感染更多業界的朋友一直努力，為社會上更多的人帶來幫助！加油！

泰美科技一日獲頒兩獎
2016-07-11

係剛過去既星期六，泰美科技非常充實，出席左兩個頒獎典禮。一方面，多謝關愛同仁會既提名，我地有幸能夠出席係柴灣青年廣場出席2016社團義務工作經驗分享會暨「社區愛心商戶」嘉許禮，並接受「社區愛心商戶」呢個獎項。呢個獎肯定左我地過去一年係服務社區方面既付出。當日既主禮嘉賓有社福署署長吳家謙先生同社團義務工作推廣小組召集人方競生先生，有數百名各個公司同機構代表出席，場面十分鼎盛。而因著過去一年我地積極聘用殘疾人士、推廣殘疾人士就業既措施同提供適合殘疾人士既工種，我地同時出現係九龍城廣場舉行既「愛與望飛翔」2016閉幕禮，接受「愛與望飛翔」嘉許。當日既頒獎嘉賓為勞工及福利局局長張建宗先生，能夠從佢手中接過嘉許狀，實在係一個榮幸。衷心希望我地做既一切，除左幫到社會上不同既人仕外，更能夠帶動業界其他公司效法，一齊為社會出力！大家一齊加油！

Intimex+Braintree
2016-07-08

唔知大家有冇聽過Braintree呢？如果冇，或者聽過下但未係了解清楚，就一定要趁早認識多些啦！Braintree 係 PayPal 旗下的品牌之一，多年前已經向國外提供 payment gateway service，Uber同Airbnb都係用緊佢！而琴日我地就非常開心同榮幸邀請到 Braintree 的 Marc 專程上我地公司，向我地詳盡介紹Braintree的賣點同強項。聽完介紹，Braintree 實在太正喇！忍唔住要同大家分享：

香港聾人協進會40週年晚宴
2016-07-06

上週六我地有幸可以出席香港聾人協進會40週年慈善晚宴。當晚除了見到唔少議員、聽到唔少好歌、睇到唔少好表演外，仲有機會交到唔少朋友，好開心啊！請大家都一齊支持聾協，盡自己的能力，幫助更多有需要既人啦！

明報來訪
2016-06-29

前日非常榮幸，明報派記者來訪問我地既行政總監Daisy，傾左好多關於創業既野。Daisy講到當日去到內地尋求發展時既各種辛酸同遇到既唔同障礙，例如「一才難求」既情況，令到佢感到非常挫折。幸運地，憑住毅力同不屈不撓既精神，最後都成功係江門開設到我地既辦公室，並且業務亦蒸蒸日上！

忙碌的一天
2016-06-22

今日真係行程豐富既一日！非常榮幸PayPal既Head of Channel Partners同Business Development Manager專程蒞臨我地office同我地見面！除左了解到最新關於PayPal產品、服務同付款閘道資訊，仲有佢地最新既Business Line！來緊我地會同PayPal既各方面繼續合作，亦會搞Seminar介紹大家既產品，記住密切留意啦！