係上個月5號,香港復康聯會向泰美頒發左2015年「十八區關愛僱主」嘉許,令泰美感到非常榮幸!泰美由成立至今,除左致力提供最好既網絡服務比大家外,亦非常注重企業既社會責任。殘疾人士係搵工既時候,好多時都會遇上唔同既阻礙,但係泰美明白,殘疾人士既工作能力其實同常人無異,因此,泰美係過去幾年都聘用左一D殘疾人士,以提供就業機會比佢地,幫助佢地重投社會。但係泰美知道,單憑一間公司既力量,係唔足夠令所有殘疾人士都得到職場上既公平對待,所以,泰美希望係度呼籲,各個企業都公平對待殘疾人士,重視佢地既工作能力。泰美係度再一次多謝香港復康聯會對泰美既嘉許!多謝!