新一期工貿署既「中小企脈搏」期刊出左啦!大家都知今時今日市道艱難,而今次就報導Daisy前排出席由工貿署聯同中小企業促進會同創意創業會舉辦既「逆境自強系列」研討會。除左係「CEO面談篇」分享中小企點樣引入新既營商概念、帶動正面思維,從而令公司逆境自強既心得之外,Daisy仲係「營運篇」入面伙拍兩位成功客戶兼好友,Hello Kitty有機薈低碳農莊創辦人鄭偉文先生、百樂生命之園創辦人陳志佳先生同大家分享點樣利用網上銷售平台帶動O2O線上線下營銷整合、利用桌面版同手機版網站進行品牌推廣、利用大數據同「互聯網+」同消費者進行網上互動等,希望幫到中小企老闆係逆境中突圍而出、逆流而上。